यसपालिको दशै तिहार अनि यात्राहरु…..

जिवनमा यात्राहरु पनि नसोचिएका; कहिले कहाँ त कहिले कहाँ ।

व्यस्त काठमान्डौबाट, केहि दिन पहिले पूर्वतिर लागियो । दशैको करिब अन्तिम दिन हरुमा । एक नासे दिन हरु भन्दा केहि फरक ।

तर सो चे जस्तो कहाँ हुदो रहेछ र ? पूर्वतिर हिडेको यात्रा पश्चिम तिर गर्नु पर्‍यो; ठीक उल्टो ।

काठमान्डौबाट धरान र तरहरा ,धरान र तरहराको गर्मी छल्न अनि पारिवारिक भेट्घाटको लागी फिक्कलतिर लागियो । फिक्कलको चिसो बातावरणम रम्न नपाउदै बिचैमा एक्कासी देहेरादुन तिर लाग्नुपर्न भो ।

यात्रा अब मेचीबाट – महाकाली । मेचीको फिक्कलबाट बिर्तामोड झरियो,त्यसपछी बिर्तामोड्बाट महेन्द्र नगर । उफ्फ्! एक्कासी लामो यात्रा । त्यस पछी महेन्द्र नगर बाट बनबासाहुँदै देहरादुन ।

देहरादुन अपर्झट आउनुपर्ने कारण चाही बहिनीको सासु बित्नु भएछ्; देहरादुन मा पारिवारीक सम बन्ध , केहि समय पहिले उहाहरुसँग बिताएका न्यानो पलहरु ।

दशै त टाल्टुल मनाईयो; तिहार चाही बहिनीलाई जुठो परेकोले मनाईएन । भाईटिका लगाईदिने बहिनीलाई नै जुठो लागे पछी के को तिहार नि!

 

परदेशीको डायरी…………….

परदेशबाट देशमा फर्किएकोबेला डायरीमा लेखिनुपर्ने कुराहरु केहि नै भएन, कहिले अल्छि लाग यो, कहिले के कहिले के,

तसर्थ प्राय: पानाहरु खालि नै भो ।

 

पाँच सेन्यू

*गुन्यु र चोली
दौरा र सुरुवाल
फिल्ममा मात्र ।

भावको हत्या
क्षणिक रमझम
रिमिक्स गीत ।

¤जुँगा लडाई
भुसतिघ्रेको जीत
महिला सीट ।

कुनै 1 (एक) छान्नुस्
कुख्यातहरु मध्ये
निर्वाचनमा ।

ती मन्त्रालय
कार्यकर्ता भर्तीले
मूत्रालय भो ।

 

गेडी

गेडी एक :
लुटिए सबै , तिमी पाँऊने चाहनामा
रहेछौ झुम्मिहिड्ने , रुप र वाँसनामा
आँवारा ,
भौतारिने प्यासी भँवरा ।

गेडी दुई :
हावा चल्यो सरर , मनै चूँडी उडायो ।
याद आयो हरर , खाटो घाँऊ चह्रायो ।
तरर ,
नयनमा आँशु धरर ।

गेडी तीन :
बैगुनीको मायामा , म त जोगी भैदिए ।
निष्ठुरीको यादमा , म त रोगी भैगए ।
निराश ,
सबैबाट उड्यो विश्वास ।

 

केही सेन्यू

*त्यो अनुहार
बाँकी पैतृक नाम
नेपाली हौ कि ?

*टन्न मदिरा
डाङ्गडुङ्गे संगीत
भोज आजको ।

*दहेज प्रथा
गोर्खाली समाजमा
नयाँ क्यान्सर ।

*धारावाहिक
टि॰भी॰को चलखेल
ब्रेन-वासिङ् ।

*मित्र सेनको
गाँऊ घर “नेपाली”
कन्तविजोग ।

 

देश र म

एक्लो दौड
न त विजयी
न त हरुवा नै !

इतिहास
न त स्वतन्त्र
न त परतन्त्र नै !

निणर्य
न त हुन्छ
न त हुन्न नै !

हिडाई
न त अगाडी
न त पछाडी नै !

छ्याऽऽ !
मध्यमार्गी , दहि चिऊरे !
न त राम्रो , न त नराम्रो
निरश कुरा !

 

मेरो गाँऊ

जुँगाको रेखी नबस्दै ,
सपनाहरु पखेटा फिजाऊन थाल्छन् ।

कोही अमेरिका , यूरोप , अष्ट्रेलिया ।
कोही हङ्गकङ्ग , जापान , कोरिया ।
कोही अफगानिस्थान , अरब , मलेसिया ।
केही सीमा पार भारत ,
केही राजधानी ।
बाँकी , एक हातका औलाभर गन्दा पनि नपुग्ने ….

मेरो गाँऊ ;
शून्य मलिन ।
युवा , जन्ती , मलामी विहीन ॥

 

दुई गेडी

गेडी:
¤तिमी हुदाँ नजिक चुईक्कनी बोल्दिनौँ ।
मनभित्रका कुरा खोल्दानी खोल्दिनौँ ।
सान्नानी ,
नभनी थाहै पाईन्ननी ॥

¤¤ चौतारीमा प्रतिक्षा गर्दै होलिन् प्रियसी ।
म आऊने गोरेटो हेर्दै होलिन् प्रियसी ।
ब्यारेज ,
मेरो छुट्टी भयो खारेज ॥

 

हाँस्य दुई गेडी

* बत्ती गयो झिपिक्कै , मैनबत्ती बाल भने ।
लौ सुनिनन् फिटिक्कै , उन्को कपाल ताने ।
मरेछ ,
अध्यारोमा साली परेछ ।

** सोह्र बर्षे यो मन , कस्तो वैँश चढेछ ।
जिस्काउनु जिस्काए , लौ न अर्कै परेछ ।
धड्कन ,
गालामै पो बज्यो चड्कन ।

 

भय – तीन गेडी

हिजो रात सपनी , धेरै नराम्रो देखे
मनै भयो बैचनी , त्यसैले पत्र लेखे
ए सानुँ !
छट्पटी यो कसरी भनुँ ?

आगो लाग्यो घरमा , बेस्सरी पो कराए
पेह्रौ गयो खेतमा , धेरै नै पो डराए
ए कली !
जताततै देखे बिचल्ली ।

मुटु काम्यो डरले , जागे मध्य रातमा
जाँगर नै लागेन , दिनभरी काममा
हे दैव !
भय मेटिदेऊ सदैव ।